Ndërkohë kërkimet në çiftet lesbike prodhuan

Ndërkohë kërkimet në çiftet lesbike prodhuan rezultate mikse dhe jo shumë të qarta duke treguar
tendencë për preferencë të stereotipit të partnerëve “mashkullor” dhe “femëror” (Bailey 1997;
Gonzales dhe Meyers 1993; Laner 1978; Laner dhe Kamel 1977).
Së fundi, epidemia AIDS ka promovuar që meshkujt gay të theksojnë edhe statusin
e tyre seksual në momentin kur janë në kërkim të partnerit. Meshkujt gay që janë HIV-pozitiv ka
shumë mundësi që të kërkojnë partner që kanë të njëjtin status shëndetësor si ata (Hatala, Baack,
dhe Parmenter 1998). Pra si meshkujt HIV-pozitiv dhe ata HIV-negativ kërkojnë partner që kanë
të njëjtin HIV-status (Davidson 1991).
Cilësia e Marrëdhënies
Stereotipi e përshkruan marrëdhënien midis individëve homoseksual si jo të lumtur.
Shumë individ heteroseksual të anketuar e përshkruajnë lidhjen midis çifteve lesbikeve dhe gay
si më pak të kënaqshme, më pak “të dashuruar”, dhe me më shumë tendenca për keqkuptime sesa
marrëdhënia heteroseksuale (Testa, Kinder, dhe Ironson 1987). Në dallim, një studim empirik
87

tregoi ngjashmeri rrënjësore në dashurinë dhe kënaqsinë mes një çifti homoseksual dhe një çifti
heteroseksual.
Studime të ndryshme kanë krahasuar çiftet homoseksuale dhe heteroseksuale, për të parë
diferencat në dashurinë që kanë partnerët ndaj njëri-tjetërit dhe kënaqësinë e partnerëve në lidhje.
Këto studime ndërlidhën moshën, karakteristikat e përgjithshme dhe të ardhurat ekonomike, për
të parë nëse do të ndikonin në rezultatet e studimit apo kontrolluan për këto faktorë në analizat
statistikore, kur krahasuan çiftet e homoseksuale dhe ato heteroseksuale.
Në një studim të hershëm, Peplau dhe Cochran (1980) krahasuan rezulatet e marra
nga çiftet e lesbikeve dhe gay me ato të çifteve heteroseksuale, që momentalisht të gjithë ishin në
një marrëdhënie romantike ose seksuale. Në studim u pa se 60% e individëve pohuan se ishin të
dashuruar me partnerin e tyre, dhe pjesa tjetër u përgjigjën se ishin ‘të pasigurt’ nëse ishin
në dashuri. Nën një shkallë standartizimi të dashurisë dhe pëlqimit, lesbiket dhe meshkujt gay
në fillim referuan ndjenja pozitive ndaj partnerëve të tyre dhe e cilësonin marrëdhënien e tyre si
shumë të kënaqshme dhe të ngushtë. Asnjë dallim nuk u vu re për cilësinë e marrëdhënies midis
lesbikeve, meshkujve gay dhe heteroseksualëve.
Në një studim të fundit longitudinal mbi çiftet e martuara heteroseksuale dhe çifteve
homoseksuale që bashkjetojnë, Kurdek (1998) gjeti rezultate të ngjashme. Duke marrë parasysh
moshën, karakteristikat e përgjithshme, arsimimin, të ardhurat ekonomike dhe vitet e
bashkejetesës, tipi i çiftit homoseksual, si ai lesbik dhe gay, dhe ai heteroseksual nuk dryshonin
nga njeri-tjetri mbi kënaqësinë që kishin për lidhjen në momentin e fillimit. Pas pesë vitesh,
të gjitha tipet e çifteve kishin tendencë për ulje të kënaqësisë ndaj lidhjes, pa asnjë dallim në